ଏ ସଂସାରରେ ‘ପରିଚୟ’ ଶବ୍ଦର ଅର୍ଥ
ଅତୀବ ବ୍ୟାପକ । ‘ପରିଚୟ’ ଶବ୍ଦର ଅର୍ଥକୁ ଅନ୍ଵେଷଣ କରୁଥିବା
ପ୍ରତ୍ୟେକ ପ୍ରାଣୀ ତା’ ମନର ଗହନ ପ୍ରଦେଶକୁ ପ୍ରବେଶ କରିପାରିଲେ ହିଁ ସେ ତା’ ନିଜର ପରିଚୟ ନିଜେ ଖୋଜିପାରେ । ପ୍ରାଣୀ ଯେତେବେଳେ ମନର ଗହନ ପ୍ରଦେଶ
ମଧ୍ୟରେ ଏକାନ୍ତରେ ପ୍ରବେଶ କରେ , ସେ ନିଜର ପ୍ରକୃତ ପରିଚୟ ନିଜେ ପାଇଥାଏ। ଅନ୍ତରର ଆଇନାରେ
ନିଜେ ନିଜର ପ୍ରତିବିମ୍ବ ଦେଖି ସେ ନିଜର ସ୍ୱରୂପ ପାଇଁ ଆତ୍ମହରା ହୁଏ ଓ ଏ ସଂସାରରେ ଶାନ୍ତିର
ବୀଜ-ବପନ କରି ଚାଲେ। କାରଣ ସେ ହିଁ ଶାନ୍ତିର ଦ୍ୟୋତକ । ତା’ ଭିତରେ ଏକକ ସୁଗଠିତ ବିଚାରଧାରା ଜନ୍ମ ନିଏ। ଚିତ୍ତକୁ
ପ୍ରସନ୍ନ ରଖୁଥିବା ବ୍ୟକ୍ତି ସର୍ବଦା ସମାଜର ହିତକାରୀ ହୁଏ । କାରଣ ଚିତ୍ତଜ୍ୱଳନ ଏବଂ ଅଭିମାନ ମଣିଷକୁ କ୍ଳେଶ ହିଁ
ଦେଇଥାଏ ଏବଂ ଆତ୍ମ ପରିଚୟ ପ୍ରଦାନ କରିବାରେ ଅସମର୍ଥ ହୁଏ ।
ଆଇନାରେ ବାହ୍ୟ ପ୍ରତିବିମ୍ବ ଦେଖି ନିଜେ ଆତ୍ମହରା ହୋଇ ପଡୁଥିବା ମଣିଷଟେ ସମୟ ଅତିକ୍ରାନ୍ତ
ହେଲେ ଦୁଃଖରେ ଭାଙ୍ଗିପଡ଼େ; କାରଣ ତା’ର ସେହି ବାହ୍ୟ
ସୌନ୍ଦର୍ଯ୍ୟ ଦୁଃଖର କାରଣ ହୁଏ, ସେ’ ନିଜେ
ହିଁ ନିଜର ପ୍ରତିବିମ୍ବ ଦେଖି ଭୟଭୀତ ହୁଏ ଏବଂ ଅନୁତାପର ଗ୍ଲାନିରେ ଏକାନ୍ତରେ ସମସ୍ତଙ୍କ
ଅଲକ୍ଷରେ ଛଟପଟ ହୁଏ ।
Comments
Post a Comment